08/11/2009 Oudheidkoamer Fredewalda koopt eigen boerenploats

Stichting Oudheidkamer Fredewalda krigt op zotterdag 14 november de historische boerderij Cazemier ien Tolbert ien handen. Dizze mooie olde boerderij krigt een doel as museum, woar ok de beroemde maquette van Tolbert komt te stoan. Moar der ken noa de opknapbeurt nog veul meer gebeuren ien e boerderij.Bestuursleden doen de plannen vedder uut e doeken en vertellen wat over de overdracht en de festiviteiten die doar bij heuren.

25/10/2009 Die van hiernoast

Filmclub Westerkwartier het zien tweede productie host kloar. De komische körte film "Die van Hiernoast" gijt op 14 november ien t Sportcentrum van Leek ien premiere. De doagen doarnoa bennen der ok veurstellingen ien Groodegast, Zuudhörn en Moarum.

Henk Roede uut Groodegast is één van de drievende krachten achter de Filmclub. Soamen met Margriet Dijk het er een nust waark moeten verzetten om dizze film veur mekoar te boksen. Op 25 oktober kommen de leden van de filmclub vertellen wat er allemoal te zien valt. t Is radio, dus wat loaten zien is lastig, moar wat heuren loaten gijt des te beter.