As t allemoal goed gijt hemmen we t ankommende zundag over ezels ien Mien Westerkwartier. Willem Poelman uut Moarum komt laangs om te vertellen over zien plannen om n ezelpark te begunnen (zie ok www.ezelboer.nl). Hij het nou ok al n nust van die beesten en wil der nog meer bij en ze ok loaten zien aan zien bezoekers.
Moar Willem is niet veur één gat te vangen. Hij treedt ok op met zien kamelen en is n helft van n komies duo.
Joe vervelen je vast niet op zundagoavend tussen 20:00 en 21:00 uur op Radio Westerkwartier (www.radiowesterkwartier.com).
Elise en de Heartshakers bij Mien Westerkwartier
Op zundag 16 september komt e band Elise & the Heartshakers laangs bij t radioprogramma Mien Westerkwartier. Dizze jonge jongens en wichter timmeren flink aan e weg. We loaten meziek heuren van hun zelf, moar ok van hun favorieten. Verder hemmen we t over toekomstplannen en ankommende optredens.
Tonko en Geert bij Noordmannen
Op 9 september kwam t radioprogramma Noordmannen uut Lutjegast. Geert Zijlstra en Tonko waren te gast en hemmen t Westerketier en e Stichting flink ien e schienwaarpers zet.
Tonko het vertelt over het winnen van e derde pries en het nije gedichten veurlezen.
Geert het t over Mien Westerkwartier had en drie verskes zongen (Verdurmen, Loop moar deur en Vroege Mist).
De annere gasten hadden t over verschillende zoaken zoas Hervormde Kerk (Tineke Algra), de natuur en zien tuun (Henk Roede) en de Abel Tasman Struuntocht (Piet Miedema).
Diana Meindertsma, die laang in Australie woont het, vertelt over e verschillen tussen t leven ien beide landen en heur wenst noar t Westerkwartier.
Tonko het vertelt over het winnen van e derde pries en het nije gedichten veurlezen.
Geert het t over Mien Westerkwartier had en drie verskes zongen (Verdurmen, Loop moar deur en Vroege Mist).
De annere gasten hadden t over verschillende zoaken zoas Hervormde Kerk (Tineke Algra), de natuur en zien tuun (Henk Roede) en de Abel Tasman Struuntocht (Piet Miedema).
Diana Meindertsma, die laang in Australie woont het, vertelt over e verschillen tussen t leven ien beide landen en heur wenst noar t Westerkwartier.
Struunen en Leader bij Mien Westerkwartier
Op zundag 9 september een extra oaflevering van Mien Westerkwartier op Radio Westerkwartier. Specioal om dat op 14 en 15 september der hiel wat gebeurt ien Lutjegast. Op 14 september is er middag feest ter gelegenheid van de start van het Leader Westerkwartier project, deur de provincie Grunnen. Der is n informatiemarkt ien t dorpshuus vanoaf 13:00 uur. Rond half vier holt Haarm van der Veen een lezing of t Westerketier ien kerk en om vier uur komt gedeputeerde Hollenga het officiele startschot geven. Met voorzitter van Leader Westerkwartier Jan Oomkes (wetholler ien Zuudhörn) proat Geert Zijlstra over e betekenis van t Leader project.
Op 15 september is de lanverwachte Struuntocht. Eelke Solle komt wat vertellen over de leste loodjes veur e organisatie en Hanny Engels dut wat uut e doeken over het culturele programma.
De uutzending is op zundagoavend tussen 19:00 en 21:00.
Radio Westerkwartier zit ien Moarum en Groodegast op e koabel (105.9) en je kennen t ok heuren ien e ether (105.3).
Op 15 september is de lanverwachte Struuntocht. Eelke Solle komt wat vertellen over de leste loodjes veur e organisatie en Hanny Engels dut wat uut e doeken over het culturele programma.
De uutzending is op zundagoavend tussen 19:00 en 21:00.
Radio Westerkwartier zit ien Moarum en Groodegast op e koabel (105.9) en je kennen t ok heuren ien e ether (105.3).
Priesuutlangen Toaltocht
Op vrijdag 14 september worden e winnoars van e Abel Tasman Toaltocht bekend moakt.
Alle deelnemmers bennen uutneudigd om noar dorpshuus t Kompas ien Lutjegast te kommen. Om 14:00 zil Geert Zijlstra de winnende spreuken bekend moaken en overhandigen aan Piet Miedema, veurzitter van de Struuntocht.
As t goed is bennen de borden dan kleur en ken jim jim doar aan vergappen.
Die middag is er ien t dorpshuus een informatiemarkt, woar allerhande clubs die actief bennen ien t Westerketier zich presenteren. Der stoan ok kroamkes met streekproducten. Mien Westerkwartier is aanwezig met boeken en CD's.
Vanaf 13:00 bennen jim welkom aan de Kompasstraat ien Lutjegast
Alle deelnemmers bennen uutneudigd om noar dorpshuus t Kompas ien Lutjegast te kommen. Om 14:00 zil Geert Zijlstra de winnende spreuken bekend moaken en overhandigen aan Piet Miedema, veurzitter van de Struuntocht.
As t goed is bennen de borden dan kleur en ken jim jim doar aan vergappen.
Die middag is er ien t dorpshuus een informatiemarkt, woar allerhande clubs die actief bennen ien t Westerketier zich presenteren. Der stoan ok kroamkes met streekproducten. Mien Westerkwartier is aanwezig met boeken en CD's.
Vanaf 13:00 bennen jim welkom aan de Kompasstraat ien Lutjegast
Willem Wessels bij Mien Westerkwartier
Op 2 september is Willem Wessels van "de Oude Ulo" uut Leek as gast ien e studio.
We proaten over het seizoen 2007-2008 van "de Oude Ulo" en over t project SWET.
Willen loat wat van zien eigen favoriete muziek heuren.
t Programma wordt uutzonden op 2 september tussen 20:00 en 21:00 uur. Radio Westerkwartier vien je in de gemeenten Grootegast en Marum op e koabel (Kabel 105.9 FM) en ien rest van t Westerketier ien de ether (Ether 105.3 FM.
Presentator : Geert Zijlstra en Jan van der Velde
Techniek : Erwin Evenhuis
We proaten over het seizoen 2007-2008 van "de Oude Ulo" en over t project SWET.
Willen loat wat van zien eigen favoriete muziek heuren.
t Programma wordt uutzonden op 2 september tussen 20:00 en 21:00 uur. Radio Westerkwartier vien je in de gemeenten Grootegast en Marum op e koabel (Kabel 105.9 FM) en ien rest van t Westerketier ien de ether (Ether 105.3 FM.
Presentator : Geert Zijlstra en Jan van der Velde
Techniek : Erwin Evenhuis
Wandelen ien Zeumenhuuzen
Twee van Mien Westerkwartier bennen aanwezig op een oavend van de wandelvierdoagse van Zeumenhuuzen. Zanger Geert Zijlstra en dichter Tonko Ufkes, die ien Zeumenhuuzen opgruid is, komen laangs om verhoalen en gedichten te vertellen en liedjes te zingen. Welke oavend t precies wordt en woar de mannen stoan heur jim loater.
Wil je ok aargens n Westerketierder kunstemoaker zien, nem dan s contact op met info@mienwesterkwartier.nl.
Wil je ok aargens n Westerketierder kunstemoaker zien, nem dan s contact op met info@mienwesterkwartier.nl.
Toaltocht groot succes
Twee moand leden hemmen we n oproep doan om teksten ien te sturen die tiedens de Abel Tasman Struuntocht op borden laangs de weg kommen te stoan, zie ok www.abeltasmanstruuntocht.nl . Dizze week hemmen we de ienzending sloten en we hadden moar liefst 130 ienzending. Dat wordt n mooi putje waark veur de jury om dat deur te fietsen en met e besten noar veuren te kommen.
Mooi dat er zon nust mensen bennen, die de oardigheid aan hemmen om ien t Westerketiers te schrieven. Trouwens geft een deel ok aan dat ze dat groag wat beter leren willen. Tonko Ufkes en Alie de Vries kom moar op met jim cursussen, ik heb al n poar noamen op papier stoan. Ik kom wel laangs veur n uurke meziek.
Mooi dat er zon nust mensen bennen, die de oardigheid aan hemmen om ien t Westerketiers te schrieven. Trouwens geft een deel ok aan dat ze dat groag wat beter leren willen. Tonko Ufkes en Alie de Vries kom moar op met jim cursussen, ik heb al n poar noamen op papier stoan. Ik kom wel laangs veur n uurke meziek.
Ik was n kiend
Dinsdag het Gert Sennema zien 2 CD's ten deup hollen ien de Burcht van Griepskerk.
Noa een körte roadsvergoedering dee Gert eerst twee akoestiche nummers en noa de pauze trad hij op met e muzikanten die hem ok holpen hemmen bij t moaken van e CD.
Der wadden wat problemen met t geluud, moar me dunkt dat er 100 bezoekers wadden en dat die allemoal knap onder e iendruk wadden.
Eemen over beide ploatjes.
Op 'Tuus' stoan 6 nummers die we as dorpskroniek veur Griepskerk reeknen kennen. Het gijt over bekende Griepskerk en algemene zoaken Gaswinning en Koale Kak.
Bij veul Griepskerkers deden dizze verskes het goed.
Op 'Woar' stoan annere nummers. Hiel verschillend van kleur en geluud. Sums met n hiele rockband, sums alleen gitaar of met n viooltje derbij. Veul verskes kon ik al ien e akoestische versie, moar dit is n opemboaring. Iengetogen "Ik was n kiend", uutloaten in 'Kruusweg' en ontroerend ien 'Zunder dij'.
Zunder andere muzikanten te kört te doen, veur mij de mooiste Westerketierder CD ooit.
Veur mij was t dinsdag ien Griepskerk "Ik was n kiend en ik leufde dij!". Gert, kist mooi ien e buus steken.
Noa een körte roadsvergoedering dee Gert eerst twee akoestiche nummers en noa de pauze trad hij op met e muzikanten die hem ok holpen hemmen bij t moaken van e CD.
Der wadden wat problemen met t geluud, moar me dunkt dat er 100 bezoekers wadden en dat die allemoal knap onder e iendruk wadden.
Eemen over beide ploatjes.
Op 'Tuus' stoan 6 nummers die we as dorpskroniek veur Griepskerk reeknen kennen. Het gijt over bekende Griepskerk en algemene zoaken Gaswinning en Koale Kak.
Bij veul Griepskerkers deden dizze verskes het goed.
Op 'Woar' stoan annere nummers. Hiel verschillend van kleur en geluud. Sums met n hiele rockband, sums alleen gitaar of met n viooltje derbij. Veul verskes kon ik al ien e akoestische versie, moar dit is n opemboaring. Iengetogen "Ik was n kiend", uutloaten in 'Kruusweg' en ontroerend ien 'Zunder dij'.
Zunder andere muzikanten te kört te doen, veur mij de mooiste Westerketierder CD ooit.
Veur mij was t dinsdag ien Griepskerk "Ik was n kiend en ik leufde dij!". Gert, kist mooi ien e buus steken.
Lunchgast bij RTV-Noord
Ons persberichtje omtrent t oprichten van e stichting Mien Westerkwartier kreeg drekst reactie. Dinsdagmiddag zat Geert as Lunchgast bij RTV-Noord ien t programma Noord Nieuws Middageditie. Net te loat belde interviewer René Walhout op of er zien gitaar metnemmen kon, moar Geert was al ien Grunnen.
t Was n mooi lös gesprekje over het doel van e Stichting. En n vliegende kraai vangt altied wat. Geert liep Jaques d'Ancona weer tegen t lief en het ok nog eemen proat met Reinder Smit, die op tillevisie het programma 'Plattelanders' moakt. 'As der wat moois is ien t Westerkwartier', wel eemen bellen': zee Reinder. Doar hol we m aan.
t Was n mooi lös gesprekje over het doel van e Stichting. En n vliegende kraai vangt altied wat. Geert liep Jaques d'Ancona weer tegen t lief en het ok nog eemen proat met Reinder Smit, die op tillevisie het programma 'Plattelanders' moakt. 'As der wat moois is ien t Westerkwartier', wel eemen bellen': zee Reinder. Doar hol we m aan.
Stichting Mien Westerkwartier opricht
Op 16 meert is ien t kantoor van netoares De Boer ien Moarum de oprichtingsacte van e 'Stichting Mien Westerkwartier' passeerd. De Stichting Mien Westerkwartier wil aandacht geven aan e toal, cultuur en historie van et Westerkertier.
Ien febrewoarie wer ien Lutjegast de aanzet geven tot e oprichting van dizze stichting. Ien die moand kwammen een vieftiental mensen bijmekoar die, op uuteenlopende wieze, actief bezeg bennen met et Westerkertier(s). Schrievers, dichters, muzikanten, beeldend kunstenoars en amateur-historici gaven aan dat der behuufte is om mekoar met n bepoalde regelmoat tegen te kommen, ideeën uut te wisselen en mekaander te ienspireren tot nije initiatieven en soamenwarken.
Doarnoast is der verlet van n menier om de 'producten van et Westerkertier' onder de aandacht, en beter aan e man te kriegen. Deur middel van n web-site, een nijsbrief en et organiseren van activiteiten wil de stichting mensen ienspireren om zulf actief met te doen aan et moaken van de nije producten (gedichten, verhoalen, verskes, foto, film e.d.) en om doar ok kennis van te nimmen.
Ien et veurlopeg bestuur hemmen plaknommen:
Geert Zijlstra, streektoalmuzikaant en initiatiefnimmer;
Tonko Ufkes, schriever en dichter;
Omke Oudeman, fotogroaf;
Melle Hijlkema, schriever en dichter.
Ien febrewoarie wer ien Lutjegast de aanzet geven tot e oprichting van dizze stichting. Ien die moand kwammen een vieftiental mensen bijmekoar die, op uuteenlopende wieze, actief bezeg bennen met et Westerkertier(s). Schrievers, dichters, muzikanten, beeldend kunstenoars en amateur-historici gaven aan dat der behuufte is om mekoar met n bepoalde regelmoat tegen te kommen, ideeën uut te wisselen en mekaander te ienspireren tot nije initiatieven en soamenwarken.
Doarnoast is der verlet van n menier om de 'producten van et Westerkertier' onder de aandacht, en beter aan e man te kriegen. Deur middel van n web-site, een nijsbrief en et organiseren van activiteiten wil de stichting mensen ienspireren om zulf actief met te doen aan et moaken van de nije producten (gedichten, verhoalen, verskes, foto, film e.d.) en om doar ok kennis van te nimmen.
Ien et veurlopeg bestuur hemmen plaknommen:
Geert Zijlstra, streektoalmuzikaant en initiatiefnimmer;
Tonko Ufkes, schriever en dichter;
Omke Oudeman, fotogroaf;
Melle Hijlkema, schriever en dichter.
Okkie, Jaques en Lenie
Zundagmörgen op Trimunt. RTV-Noord was met t program Noordbrouk Rechtsoaf ien t Westerkwartier en hadden Melle Hylkema vroagt om met heur deur zien geboortestreek te lopen. Melle zag zien kans schoon en vroeg of Geert Zijlstra dan niet 1 van Melle's teksten kon zingen. Zo wandelde Melle een uur lang met Okkie Smit over Trimunt en zatten beide mantjes ien e koamer van olde boer Gezienus Bron aan e keukentoafel met Okkie, Jaques en Lenie. Het was slim gezellig met zeehondenmoeke Lenie 't Hart en theaterbeest Jaques d'Ancona. Proat kwam al gauw over Het Westerketiers en onze plannen om doar wat meer aandacht aan te geemen. "Goed plan" zeeden de presentatoren en we mossen ze veural op e hoogte hollen.
"Zit doar moar niet over ien", dunkt me. Wat ons aan gijt ken ze wel wat voaker de reis noar t verre westen ondernemmen. Ze hadden het moar mooi troffen in t waarme koamerke van Bron, woar de kovvie lekker was en de Appelgebak niet minder. Bron en dochter nog bedankt!
"Zit doar moar niet over ien", dunkt me. Wat ons aan gijt ken ze wel wat voaker de reis noar t verre westen ondernemmen. Ze hadden het moar mooi troffen in t waarme koamerke van Bron, woar de kovvie lekker was en de Appelgebak niet minder. Bron en dochter nog bedankt!
Ien Lutjegast
Wel twintig man bijnander ien t Dörpshuus van Lutjegast. Allemaal ien e weer met het Westerketiers en het Westerketier. We hemmen mekoar vertelt woar we met ien e weer bennen en woar we hulp bruuken kennen. Grote zoaken as SWET en STRUUNTOCHT neudigen elkeneen uut om met te doen. Veur elk wat wils, want r moet schreemen, zongen, en dicht worden. Ok de mannen die ien en weer bennen met foto en video kennen zich goed vernuveren in dizze acties.
"Dit moeten we voaker doen", een reactie die k veul heurt heb aan t ende van e oamend. Verder moar s eefkes kieken hoe we een nije stichting ien e benen helpen kennen, om ons waark makkelijker te moaken.
Ankommende zundag bennen Melle Hielkema en ik ien e weer op Trimunt. Dan kennen jem ons tussen 09:00 en 11:00 heuren op Radio Noord. Slem benijd.
"Dit moeten we voaker doen", een reactie die k veul heurt heb aan t ende van e oamend. Verder moar s eefkes kieken hoe we een nije stichting ien e benen helpen kennen, om ons waark makkelijker te moaken.
Ankommende zundag bennen Melle Hielkema en ik ien e weer op Trimunt. Dan kennen jem ons tussen 09:00 en 11:00 heuren op Radio Noord. Slem benijd.
Op zoek noar cinten
Oaflopen weken ien contact kommen met mevr Krämer van e pervincie Grunnen. Ze het ons plannetje lezen en zicht der wel wat ien. Veur 1 meert perbeer we een veurstel ien te dien bij t project Culturele Netwerken van e pervincie.
Vrijdag het n verslaggever van de Streekkrant n gesprekje had. Dizze week komt er n stukje ien e kraant en hij zag wel wat ien meer soamenwaarken. Dizze jonge verslaggever was zelf ok weer actief op toneel en schrift zelf toneelstukken, moar nog niet ien t plat.
Hij wol, net als Niels wel Westerkertierders leren schrieven. Tied veur Tonko Ufkes om weer eens wat cursus te goan geemen.
Vrijdag het n verslaggever van de Streekkrant n gesprekje had. Dizze week komt er n stukje ien e kraant en hij zag wel wat ien meer soamenwaarken. Dizze jonge verslaggever was zelf ok weer actief op toneel en schrift zelf toneelstukken, moar nog niet ien t plat.
Hij wol, net als Niels wel Westerkertierders leren schrieven. Tied veur Tonko Ufkes om weer eens wat cursus te goan geemen.
Abonneren op:
Posts (Atom)
